Dy persona janë shpallur në kërkim lidhur me ngjarjen e ndodhur mbrëmjen e së dielës në Orikum. Policia bën me dije se kanë marrë pjesë dy persona, njëri prej tyre autori i ngjarjes, ndërsa personi i dytë mendohet se ka qenë drejtuesi i mjetit i cili ka ndihmuar Qerim Bellon të largohet nga vendi i ngjarjes.
Burime të grupit hetimor bëjnë me dije për A2 CNN se ngjarja është zbardhur plotësisht dhe po punohet për arrestimin e autorëve. 10 plumba me pistolete u qëlluan në drejtim të 29-vjeçarit ndërkohë që 3 plumba e kishin prekur Sildi Velajn, i cili u transportuar mbrëmjen e djeshme në Tiranë për mjekim më të specializuar.
Automjet tip golf 5 i autorit është ndalur. Autori e ka thirrur jashtë lokalit dhe e ka qëlluar me armë disa herë. Pastaj kane hipur në makine teksa kanë qëlluar sërish me armë.
Të rinjtë mësohet se kanë patur edhe disa ditë më parë konflikt, duke u zënë për motive të dobëta. Konflikti edhe asaj kohe ka agravuar në shkelma dhe grushte. Policia ka patur njoftim për konfliktin.
Kjo ka qenë një ngjarje e paralajmëruar pasi është marrë procedim penal edhe në stacionin policor Orikum, por nuk është marrë asnjë masë për shuarjen e konfliktit apo parandalimin e kësaj ngjarjeje. (A2 Televizion)
A2 CNN Livestream
MUND TE LEXONI GJITHASHTU
