Saga e vrasjeve kthehet në Mirditë. Viktor Bardhi 65 vjeç ishte nisur drejt ujësjellësit për të hapur linjën e furnizimit të fshatit Ndërfushas kur i është zënë pritë vetëm një kilometër nga banesa, shkruan A2 CNN.
Drejt makinës së tij është qëlluar me breshëri të paktën 30 herë, duke e lënë të vdekur në vend. Shenjat e lëna në mjet tregojnë qartë sulmin nga autorët që kanë shfrytëzuar vendin për të mos u kapur nga kamera të sigurisë.
Ishin banorët e zonës që kanë njoftuar policinë pasi kanë parë mjetin e ndaluar në urën e nënkalimit e më tej ekspertët kanë rrethuar zonën dhe kanë grumbulluar provat siç shihet dhe në këto shenja.
Vetëm pak momente pas ngjarjes së regjistruar rreth orës 9 të mëngjesit të kësaj të enjte policia zbuloi një makinë tip Audi, të djegur. Dyshimet janë se i mjeti ishte përdorur nga autorët për të kryer sulmin e rëndë që shënoi dhe viktimën e radhës.
Dyshimet e para të policisë janë pista e hakmarrjes për shkak dhe të përplasjeve me fisin Reçi një sagë e nisur prej vitit 2016. Në reagimin e parë drejtori i policisë shprehet se janë marrë në pyetje dëshmitarët dhe po punohet për zbulimin e autorëve.
Vrasjet kanë sjellë 9 viktima si në Shqipëri por dhe në Itali dhe Belgjikë. Madje nuk kanë munguar as atentatet me tritol në mes të Tiranës apo dhe vrasjet në autostradë. (A2 Televizion)
A2 CNN Livestream
MUND TE LEXONI GJITHASHTU
