E diel pushimi... fëmijët që luajnë në trotuar në Sipitallë të Durrësit dhe një shofer i dehur që me shpejtësi skëterrë i merr përpara dhe iu merr jetën dy prej tyre ndërsa një i tretë po lufton me jetën në Spitalin e Traumës në Tiranë.
Gjendja e tij është e rëndë, pasi ka dëmtime të shumta, konfirmoi për A2CNN Ministria e Shëndetësisë. Nikoll Radaçi, 57-vjeçari problematik edhe në të shkuarën për komunitetin është autori i aksidentit tragjik që ndërpreu në moshën më të bukur jetët e 10-vjeçarëve.
Ngjarja ka ndodhur pranë shtëpive të fëmijëve, para një lokali siç duket edhe nga pamjet e filmuara. Nga pamjet duken 4 fëmijë duke luajtur në lagjen nr. 15 të Durrësit, por njëri prej tyre ka arritur t’i shpëtojë përplasjes duke u fshehur pas një biçiklete.
Njëri nga fëmijët e humbi jetën përballë dyqanit të familjarëve të tij, ku jetonte së bashku me motrën dhe të afërm të tjerë, ndërsa prindërit ndodhen në Itali për arsye shëndetësore.
Nën efektin e alkoolit, pasi ka kryer aksidentin tragjik, 57-vjeçari që drejtonte automjetin tip “Mercedez Benz ML” largohet nga vendi i ngjarjes në vend që të japë ndihmën e parë për t’u arrestuar më pas nga policia. (A2 Televizion)
A2 CNN Livestream
MUND TE LEXONI GJITHASHTU
