Një sasi lënde eksplozive e dyshuar e llojit tritol ka shpërthyer në orët e para të mëngjesit të kësaj të marte pranë një pallati në shëtitoren e Orikumit. Shpërthimi ka ndodhur rreth orës 03:15 minuta dhe fatmirësisht nuk ka shënuar dëme në njerëz dhe pse tritoli ishte vendosur në një hapësirë ku kalonin edhe banorët e pallatit.
Ndërsa dëmet materiale janë evidente tek dy biznese te vogla dhe një apartament banimi, Policia e Vlorës ende nuk ka një version të qartë të kësaj ngjarje dhe se kujt i është vendosur lënda shpërthyese. Burimet policore bëjnë me dije se nga verifikimi i kamerave të sigurisë dallohet një person me kapuç në kokë që vendos lëndë shpërthyese dhe largohet më pas me vrap.
Orikum/Informacion paraprak
Sot, rreth orës 03:15, në qytetin e Orikumit, në një ngushticë pas një pallati, ka shpërthyer një sasi e vogël lënde e dyshuar plasëse, ku si pasojë janë dëmtuar dy xhama të pallatit në katin e parë.
Në vendngjarje ndodhet grupi hetimor, i cili vijon punën për zbardhjen e rrethanave të ngjarjes dhe identifikimin e autorit/ëve të dyshuar. (A2 Televizion)
A2 CNN Livestream
MUND TE LEXONI GJITHASHTU
