Policia e Tiranës ka finalizuar dy operacione në 24 orët e fundit, duke arrestuar dy persona të dyshuar për 6 raste vjedhjesh.
Në kuadër të operacionit “HIJA”, u arrestua një 23-vjeçar, i dyshuar për vjedhjen e parave dhe produkteve në 5 subjekte gjatë javës së fundit. Ai ishte nën masën “Arrest në shtëpi”. Gjatë arrestimit iu gjet edhe një sasi e dyshuar cannabis sativa.
Ndërsa në operacionin “REACTION”, u arrestua një 31-vjeçar, i dyshuar se kishte grabitur me dhunë dy varëse një gruaje në rrugën e “Saraçëve”. Varëset u sekuestruan si prova materiale.
Njoftimi i Policisë Tiranë
Finalizohen në 24 orët e fundit, dy operacione për zbardhjen e rasteve të vjedhjes.
✅Operacioni “HIJA”/Theu masën e sigurisë “Arrest në shtëpi” dhe kreu vjedhje në 5 subjekte gjatë javës së fundit, vihet në pranga 23-vjeçari.
✅Operacioni “REACTION”/Vodhi me dhunë 2 varëse një shtetaseje, vihet në pranga 31-vjeçari.
Sekuestrohen 2 varëset e vjedhura dhe një sasi lënde të dyshuar narkotike cannabis sativa.
Si rezultat i veprimeve hetimore dhe operacionale të kryera menjëherë pas kallëzimeve dhe marrjes së informacioneve për raste të vjedhjes së pronës/pasurisë, shërbimet e Komisariatit të Policisë Nr. 1 dhe Komisariatit të Policisë Nr. 4, në 24 orë, finalizuan 2 operacione për nxjerrjen përpara përgjegjësisë penale të autorëve të 6 rasteve të vjedhjes. Konkretisht:
-Në kuadër të operacionit të koduar “HIJA”, shërbimet e Komisariatit të Policisë Nr. 1 kapën dhe vunë në pranga shtetasin K. M., 23 vjeç, i cili dyshohet se gjatë periudhës 14.08.2026–22.08.2026, ka vjedhur para dhe produkte në 5 subjekte. Gjatë verifikimeve të mëtejshme rezultoi se ky shtetas ishte me masë sigurie “Arrest në shtëpi”, për të njëjtën veprimtari kriminale. Gjatë kapjes së tij, në sheshin “Skënderbej”, shërbimet e Policisë i gjetën dhe sekuestruan një sasi lëndë të dyshuar narkotike cannabis sativa.
-Në kuadër të operacionit të koduar “REACTION”, shërbimet e Komisariatit të Policisë Nr. 4 kapën dhe vunë në pranga shtetasin Sh. J., 31 vjeç, i cili dyshohet se ka vjedhur me dhunë 2 varëse një shtetaseje, në rrugën e “Saraçëve”. Në cilësinë e provës materiale u sekuestruan 2 varëset e vjedhura.
Materialet procedurale iu referuan Prokurorisë së Tiranës, për veprime të mëtejshme.
(A2 Televizion)
A2 CNN Livestream
MUND TE LEXONI GJITHASHTU
