Një 40-vjeçar që qarkullonte i armatosur me pistoletë në Tiranë është arrestuar në flagrancë nga policia. “Blutë” bëjnë me dije se shtetasi me inicialet G.K., u prangos në zonën e Liqenit të Thatë gjatë një kontrolli.
“Sekuestrohen 1 armë zjarri pistoletë dhe municion luftarak. Si rezultat i kontrolleve të befasishme të kryera nga shërbimet e Sektorit Operacional, në bashkëpunim me shërbimet e Forcës së Posaçme “Shqiponja” dhe Komisariatit të Policisë Nr. 1, në zonën e Liqenit të Thatë, u ndalua për kontroll automjeti me të cilin qarkullonte shtetasi G. K., 40 vjeç.
Gjatë kontrollit fizik, këtij shtetasi iu gjet dhe sekuestrua, në cilësinë e provës materiale, një armë zjarri pistoletë dhe një krehër me municion luftarak. Në përfundim të veprimeve procedurale, shtetasi G. K. u arrestua në flagrancë për veprën penale “Mbajtja pa leje dhe prodhimi i armëve, armëve shpërthyese dhe i municionit”.
Materialet procedurale i kaluan Prokurorisë për veprime të mëtejshme. (A2 Televizion)
A2 CNN Livestream
MUND TE LEXONI GJITHASHTU
