Një ngjarje e rëndë ka ndodhur në Përmet, ku një 16-vjeçare është abuzuar seksualisht nga njerku i saj me detyrë oficer policie dhe nga një tjëtër efektiv policië në Tepelnë. Agjencia e Mbikëqyrjes Policore ka ndaluar njerkun e të miturës Pajtim Baka si dhe ka shapllur në ëkrkim oficerin e policisë Artur Ago, i cili është larguar ditën e djeshme në drejtim të Greqisë.
Policia njofton se ngjarja e rëndë u zbulua pasi në rrjete sociale po qarkullonin mesazhe shantazhuese për një histori intime mes 16-vjeçares dhe policit të Tepelenës Artur Ago.
Sipas policisë, vajza e mitur e nxitur nga i dashuri i saj dhe shoku i tij kanë shantazhuar punonjësin e policisë së Tepelenës duke i kërkuar një shumë monetare prej 10 milion lekësh të vjetra si këmbim për të mos publikuar një video intime të tij, e regjistruar me aparat telefonik.
Gjithashtu nga veprimet hetimore dyshohet se punonjësi i policisë njerku i shtetases së mitur prej disa vitesh ka pasur lidhje intime.
Policia ka ndaluar gjithashtu edhe të dashurin e 16-vjeçares dhe shokun e tij.
Njoftimi i Policisë
Agjencia e Mbikëqyrjes Policore (Rajoni Vlorë - Gjirokastër) në bashkëpunim me DVP Gjirokastër ka ekzekutuar urdhërat e ndalimit të caktuar nga Prokuroria Pranë Gjykatës së Shkallës së Parë të Juridiksionit të Përgjithshëm Gjiroksatër për dy punonjës policie të dyshuar për kryerjen e veprës penale “Ngacmim seksual” dhe dy shtetas të dyshuar për kryerjen e veprës penale “ Shtrëngim me anë të kanosjes për dhënien e pasurisë”.
➡️ P. B., me detyrë Oficer i Patrullës së Përgjithshme në Komisariatin e Policisë Përmet.
➡️ A. A., me detyrë Oficer i Patrullës së Përgjithshme në Komisariatin e Policisë Tepelenë (i shpallur në kërkim pasi është larguar ditën e djeshme në drejtim të Greqisë).
➡️ Shtetasi K. P., i dashuri i shtetases së mitur
➡️ Shtetasi I. P., shok me shtetasin K.P.
Pas indicies nga një postim në rrjetet sociale, strukturat e hetimit të Drejtorisë Rajonale të AMP-së në bashkëpunim me DVP Gjirokastër kanë kryer veprimet e para hetimore, ku ka rezultuar se një vajzë e mitur me iniciale K.G., e nxitur nga i dashuri i saj shtetasi K.P., dhe shoku i tij shtetasi I.P., kanë shantazhuar punonjësin e policisë A.A., duke i kërkuar një shumë monetare prej 10 milion lekë të vjetra si këmbim për të mos publikuar një video intime të tij, e regjistruar me aparat telefonik.
Gjithashtu nga veprimet hetimore dyshohet se punonjësi i policisë P.B., (njerku i shtetases së mitur) prej disa vitesh ka pasur lidhje intime.
Vijojnë hetimet për dokumentimin e plotë të ngjarjes.
AMP mbetet e përkushtuar në misionin e saj për garantimin e zbatimit të ligjit dhe fton qytetarët të denoncojnë çdo rast të abuzimit apo shkeljes së ligjit nga ana e punonjësve të strukturave, duke telefonuar në numrin e gjelbër 0800 9090, ose duke dërguar Email në adresën [email protected].
(A2 Televizion)
A2 CNN Livestream
MUND TE LEXONI GJITHASHTU
