Kreu i SPAK, Altin Dumani, në raportimin e tij në Komisionin e Ligjeve deklaroi se sulmet politike ndaj SPAK-ut frymëzojnë kërcënimet ndaj prokurorëve të posaçëm nga krimi i organizuar.
“Deklaratat politike frymëzojnë edhe elementë të krimit të organizuar. Sa herë shtohen sulmet politike, vihet re shtim i rasteve të kërcënimeve të prokurorëve të posaçëm. Ne qëndrojmë larg retorikës politike”, deklaroi Dumani, shkruan A2.
Më herët, Dumani deklaroi se prokurorët e SPAK janë kërcënuar seriozisht nga organizatat kriminale gjatë hetimeve për goditjen e tyre.
“Prokurorët kanë rënë pre e kërcënimit nga organizatat kriminale. Kërcënime serioze, jo sa për të thënë. Megjithatë, prokurorët e kanë përballuar dhe janë përballur me ta, duke ndërtuar çështje penale të suksesshme”, tha drejtuesi i SPAK, Altin Dumani.
(A2 Televizion)
A2 CNN Livestream
MUND TE LEXONI GJITHASHTU
