Një 34-vjeçar ka rënë në prangat e Policisë, pasi dyshohet se në vitin 2023 vodhi celularin dhe sendet personale të një shtetaseje në ambientet e spitalit të Lushnjës.
Përmes një njoftimi, Policia bën të ditur se ky shtetas ka qenë i dënuar më parë për veprën penale të vjedhjes, shkruan A2 CNN.
Ndërkohë materialet procedurale iu referuan Prokurorisë së Fierit, për veprime të mëtejshme.
Njoftimi i Policisë:
Lushnjë/Vijojnë kontrollet për kapjen e shtetasve të shpallur në kërkim.
Vodhi telefonin dhe sendet personale të një shtetaseje, në qershor të vitit 2023, në ambientet e spitalit të Lushnjës, vihet në pranga 34-vjeçari.
Si rezultat i kërkimeve të bazuara te informacionet e siguruara në rrugë informative, me objektiv kapjen e shtetasve të shpallur në kërkim, shërbimet e Komisariatit të Policisë Lushnjë lokalizuan dhe ndaluan shtetasin:
Xh. Xh., 34 vjeç, banues në fshatin Plug, Lushnjë (i dënuar më parë për veprën penale të vjedhjes).
Ky shtetas është dënuar nga Gjykata e Shkallës së Parë të Juridiksionit të Përgjithshëm Fier, me 8 muaj burg për veprën penale "Vjedhja".
Materialet procedurale iu referuan Prokurorisë së Fierit, për veprime të mëtejshme. (A2 Televizion)
A2 CNN Livestream
MUND TE LEXONI GJITHASHTU
