Një atentat me armë zjarri është regjistruar pasditen e sotme në sheshin Omonia të Athinës, në kryqëzimin e rrugëve Kritis dhe Acominatos, ku i plagosur ka mbetur një shqiptar.
Mediat greke raportojnë se shqiptari ka marrë një plagë në shpatull nga një plumb dhe aktualisht ndodhet në Spitalin Popullor të Athinë, ku po i nënshtrohet një operacioni.
Shqiptari i plagosur rezulton se ka qenë i dënuar për vrasje nga pakujdesia në vitin 2000. Ai është liruar me kusht në vitin 2018.
Në momentin kur persona të panjohur qëlluan në drejtim të tij, burri ishte ulur në një kafene. Autoritetet policore që kanë shkuar në vendngjarje kanë grumbulluar 7 gëzhoja, të cilat i kanë dërguar për ekspertizë, raporton A2. (A2 Televizion)
A2 CNN Livestream
MUND TE LEXONI GJITHASHTU
