Policia Kufitare ka bllokuar 41 mjete lundruese gjatë ditëve të fundit, kryesisht në jug të vendit.
Përmes një njoftimi, Policia bën të ditur se mjetet e bllokuara janë 7 Jet Ski dhe 34 gomone e skafe.
Po ashtu, drejtuesit e këtyre mjeteve lundruese u ndëshkuar me masa të ndryshme administrative, për shkeljet që kanë kryer.
Policia i ka bërë thirrje drejtuesve të mjeteve lundruese që të respektojnë perimetrin e sigurisë së pushuesve në plazhe, shkruan A2 CNN.
Njoftimi i Policisë:
Ksamil - Vlorë
Vijojnë intensivisht kontrollet nga Policia Kufitare dhe Njësia Policore Detare, në të gjithë vijën bregdetare të qarkut Vlorë, ndaj mjeteve lundruese, kryesisht ndaj atyre të argëtimit ????️⛵️????, për verifikimin e dokumentacionit dhe zbatimin e rregullave të lundrimit.
Nga 132 mjete lundruese të kontrolluara gjatë ditëve të fundit, nga Ksamili në Sarandë, 41 rezultuan në paligjshmëri ❌.
✅Bllokohen 41 mjete lundruese (7 Jet Ski, 34 gomone dhe skafe).
❗️Drejtuesit e këtyre mjeteve lundruese u ndëshkuan për shkeljet si vijojnë:
•3 për shkelje të perimetrit të sigurisë - masa administrative 100 000 lekë secili;
•2 për tejkalim të numrit të personave që lejohen në bord - masa administrative 30 000 lekë secili;
•1 për ushtrim të aktivitetit pa licencë - masa administrative 100 000 lekë;
•1 për mosregjistrim të pronësisë mbi mjetin lundrues - masa administrative 20 000 lekë;
•34 për mungesë të dokumentacionit në bord - masa administrative 10 000 lekë secili.
Policia Kufitare e Vlorës apelon për pronarët dhe për përdoruesit e mjeteve lundruese, për respektimin e perimetrit të sigurisë së pushuesve në plazhe, për zbatim me korrektesë të kërkesave ligjore për daljen në det dhe për pajisjen me dokumentacionin përkatës.
Policia Kufitare dhe Njësia Policore Detare janë të angazhuara maksimalisht për të garantuar sigurinë në plazhe dhe në këtë kuadër, do të intensifikojnë kontrollet dhe monitorimin nga toka dhe në det, në të gjithë vijën bregdetare.
Ftojmë qytetarët që të denoncojnë në numrin pa pagesë 112, çdo rast paligjshmërie, duke iu garantuar anonimat, reagim të shpejtë dhe profesional. (A2 Televizion)
A2 CNN Livestream
MUND TE LEXONI GJITHASHTU
