Plagosje me armë zjarri në Shijak

Një plagosje me armë zjarri ka ndodhur mbrëmjen e së martës në Shijak.

Ngjarja ka ndodhur në lagjen Kodër Shijak, shkruan A2, ku dy kushërinj janë konfliktuar me një 45-vjeçar, të cilin e kanë plagosur me armë zjarri.

Policia po kryen kontrolle intensive për kapjen e dy personave të dyshuar, ndërsa po punohet për sqarimin e rrethanave dhe dokumentimin ligjor të ngjarjes.

Njoftimi i policisë:

Rreth orës 22:30, në lagjen Kodër Shijak, shtetasit I. F., 38 vjeç dhe D. F., 35 vjeç (kushërinj), janë konfliktuar me shtetasin D. Ç., 45 vjeç, dhe gjatë konfliktit 45-vjeçari është plagosur me armë zjarri dhe ndodhet nën kujdesin e mjekëve.

Shërbimet e Policisë po ushtrojnë kontrolle për kapjen e dy shtetasve I. F. dhe D. F.

Ndërkohë, grupi hetimor, nën drejtimin e Prokurorisë, po punon për sqarimin e rrethanave dhe dokumentimin ligjor të këtij rasti. (A2 Televizion)