Të paktën dy persona janë plagosur pas disa të shtëna me armë zjarri pranë një gjykate në Gjermaninë perëndimore, ku po zhvillohet gjyqi për vrasjen e ish-boksierit shqiptar Besar Nimani.
Sipas mediave të huaja, Policia në Bielefeld tha se po ndërmerret një "operacion në shkallë të gjerë" pas të shtënave rreth orës 13:40 me orën lokale në qendër të qytetit.
Oficerët thanë se nuk mund të përjashtonin se ngjarja të ketë lidhje me vrasjen e ish-boksierit shqiptar, shkruan A2 CNN.
Aktualisht po gjykohet një i dyshuar i dyshuar për vrasjen e Besar Nimanit, ish-kampion i boksit në peshë të lehtë.
Nuk ka asnjë informacion mbi gjendjen e të plagosurve dhe policia thotë se është e paqartë se sa të dyshuar të mundshëm ka për ngjarjen. Një burrë gjithashtu u pa duke u larguar me pranga në duar.
Nimani, i cili vdiq në moshën 38-vjeçare, u qëllua për vdekje në rrugë në Bielefeld marsin e kaluar.
Boksieri shqiptar nga Kosova dikur mbante titullin evropian të IBF në peshën super të lehtë, si dhe dy rripa gjermanë.
Policia gjermane filloi një kërkim për dy të dyshuar për vrasjen e tij dhe një 38-vjeçar u arrestua në Bruksel në korrik. Gjyqi për vrasjen e tij filloi në janar. Oficerët janë ende në kërkim të një të dyshuari të dytë.
Sipas dokumenteve të gjykatës, dy burra i zunë pritë Besar Nimanit më 9 mars dhe qëlluan 16 të shtëna para një dyqani në qytet.
Viktima u gjakos për vdekje në vendin e krimit para një dyqani në zonën e këmbësorëve, shkruan A2 CNN.
Berat Nimani, vëllai i Besarit, ka marrë pjesë në gjyqin e vrasjes në Gjykatën Rajonale të Bielefeldit javët e fundit. (A2 Televizion)
A2 CNN Livestream
MUND TE LEXONI GJITHASHTU
