Gjykata e Posaçme ka shtyrë për më 3 nëntor procesin ndaj kryebashkiakut Erion Veliaj dhe të bashkëpandehurve.
Seanca e së martës dështoi për shkak të mungesës së avokatëve të të pandehurve, në zbatim të bojkotit të nisur prej 8 shtatorit.
Në proces nuk u paraqit asnjë prej avokatëve të listës së ndihmës juridike falas, të caktuar nga gjykata në seancën e kaluar. Vetë Veliaj përmes një deklarate i bënte me dije gjykatës, se kishte dijeni për gjyqin, se donte të përfaqësohej nga avokati i tij Plarent Ndreca dhe asnjë avokat tjetër veç tij.
Ndonëse SPAK kërkoi gjobitjen e avokatëve, gjykata nuk aplikoi gjoba. Kryesuesja, Elsa Ulliri, tha se GJKKO ishte vënë në dijeni të një padie në Apelin Administrativ, ku një shoqatë avokatësh kërkon shfuqizimin e vendimit të Dhomës Kombëtare të Avokatisë për bojkotin e seancave në GJKKO. (A2 Televizion)
A2 CNN Livestream
MUND TE LEXONI GJITHASHTU
