Policia e Tiranës ka mundur të arrestojë në kohë rekord autorin e vrasjes me thikë të 65 vjeçarit Selim Velsula në fshatin Xibër të bashkisë Klos.
Vetëm pak disa orë pas krimit, blutë e kryeqytetit kanë vënë në pranga 28-vjeçarin Hazbi Velsula, i afërm me viktimën në zonën e Alliasit.
Sipas të dhënave paraprake, Hazbi Velsula për motive ende të paqarta e ka goditur disa herë me thikë Selimin, duke i shkaktuar plagë fatale.
Më pas, ai është larguar drejt kryeqytetit, ku siç raportohet ka njoftuar motrën e tij se ka vrarë dikë në fshatin Xibër, aty ku ndodheshin dhe pronat e familjes.
Motra ka njoftuar policinë dhe forcat e policisë kanë rrethuar zonën ku ishte fshehur autori. Dyshohet se autori i ngjarjes vuante nga probleme të shëndetit mendor. (A2 Televizion)
A2 CNN Livestream
MUND TE LEXONI GJITHASHTU
