Një shqiptar është viktima e radhës e një atentati me armë zjarri në Toronto, Kanada. Policia ka identifikuar viktimën si Paulin Harusha, 43 vjeç, i cili u gjet i qëlluar për vdekje brenda një automjeti pranë një qendre tregtare në zonën e Scarborough-ut, afër kryqëzimit të rrugëve Victoria Park Avenue dhe Meadoëacres Drive.
Sipas autoriteteve kanadeze, autorët u larguan nga vendngjarja me një SUV, ndërsa oficerët e policisë që mbërritën menjëherë në vendngjarje tentuan t’i vinin në ndihmë viktimës, por pa sukses, shkruan A2 CNN.
Harusha u shpall i vdekur në vend, duke u bërë kështu viktima e 31-të e një vrasjeje në Toronto për këtë vit. Policia kanadeze ka nisur hetimet për identifikimin dhe kapjen e autorëve të kësaj vrasjeje. (A2 Televizion)
A2 CNN Livestream
MUND TE LEXONI GJITHASHTU
