"Besimi i qytetarëve te sistemi i drejtësisë është thelbësor për të ardhmen europiane të Shqipërisë".
Këtë mesazh e ndau sot ambasadorja e re e Bashkimit Europian në Tiranë, Sofia Moreira de Sousa, pas takimit që zhvilloi me ministrin e Drejtësisë, Toni Gogu.
Në një postim në rrjetet sociale, diplomatja bëri të ditur se diskutoi për vijimin e zbatimit të Reformës në Drejtësi dhe për përqendrimin te prioritetet e procesit të anëtarësimit në Bashkimin Europian, shkruan A2.
“Besimi i publikut te sistemi i drejtësisë është thelbësor për të ardhmen e Shqipërisë në BE. Takim i mirë sot me Ministrin e Drejtësisë Toni Gogu, ku diskutuam rëndësinë e zbatimit të qëndrueshëm të reformës në drejtësi dhe nevojën për t’u përqendruar te prioritetet e anëtarësimit në BE. Në pritje të punojmë së bashku për të mbështetur progresin e mëtejshëm”, shkruan Ambasadorja e BE-së, Sofia Moreira de Sousa. (A2 Televizion)
A2 CNN Livestream
MUND TE LEXONI GJITHASHTU
