Caktohet renditja e partive në fletën e votimit, PD e para

Në krye të fletës së votimit në 11 maj do të jetë koalicioni i Partisë Demokratike, Aleanca për Shqipërinë Madhështore.

Shorti i hedhur këtë të hënë në Komisionin Qendror të Zgjedhjeve u rezervoi demokratëve renditjen në pozicionin e parë të fletës së votimit. Partia Socialiste sipas shortit do të renditet në vend të pestë.

Socialistët në renditje do të jenë të rrethuar nga partia e re Lulzim Bashës që do të mbajë numrin 4 dhe koalicioni “Nisma Shqipëria Bëhet” që drejtohet nga Adriatik Lapaj, e cila renditet në vend të 6, shkruan A2 CNN.

Koalicioni tjetër i drejtuar nga Dashamir Shehi, sipas shortit do të mbajë numrin rendor nëntë, Mundësia e Agron Shehaj do të jetë e parafundit me numrin 10, ndërsa mbyll renditjen në fletën e votimit PSD që drejtohet nga Tom Doshi e cila do të mbajë numrin 11. 

RENDITJA E PARTIVE NË FLETËN E VOTIMIT

1-            Partia Demokratike - Aleanca për Shqipërinë Madhështore

2-            Lëvizja Bashkë

3-            Lëvizja Atdheu

4-            Partia Koalicioni Euroatlantik

5-            Partia Socialiste

6-            Koalicioni “Nisma Shqipëria Bëhet”

7-            Aleanca Kombëtare

8-            Aleanca Demokracia e Re

9-            Koalicioni “Djathtas për Zhvillim”

10-          Partia Mundësia

11-          Partia Socialdemokrate (A2 Televizion)