Një ditë pasi deputetët e opozitës nxorën jashtë parlamentit karriget dhe u vunë flakën ka reaguar edhe ambasada britanike në Tiranë. Në një postim në X, ambasada i bën thirrje partive politike që të angazhohen në dialog konstruktiv dhe procese paqësore parlamentare.
“Dhuna nuk ka vend në demokraci. Ambasada Britanike u kërkon të gjitha partive politike shqiptare të angazhohen në dialog konstruktiv dhe procese paqësore parlamentare”, thuhet në postimin e ambasadës britanike, shkruan A2.
Ambasada Britanike “dënon veprimtarinë që synon të minojë këto parime dhe mbetet e përkushtuar për të mbështetur popullin dhe demokracinë e Shqipërisë”.
Një ditë më parë seanca plenare u përfshi nga tensionet mes deputetëve për shkak të dënimit të deputetit të PD-së Ervin Salianji. Opozita i cilësoi veprimet e djeshme në kuvend si fillim të aksionit opozitar që do të kulmojë në protestën e 7 tetorit. (A2 Televizion)
A2 CNN Livestream
MUND TE LEXONI GJITHASHTU
