Ish-ministri i Rendit, Bajram Yzeiraj, ka mbrojtur punën e Policisë së Shtetit gjatë protestave të dhunshme në Tiranë, duke deklaruar se përplasjet nuk janë shkaktuar nga uniformat blu, por nga protestuesit që kanë djegur dhe dëmtuar prona, si dhe kanë rrezikuar jetën e qytetarëve dhe të punonjësve të policisë.
I ftuar në emisionin “Off the Record” në A2CNN, Yzeiraj tha se shërbimet e policisë për ruajtjen e rendit dhe sigurisë publike kanë qenë në lartësinë e duhur.
Ai kundërshtoi akuzat se policia ka qenë nismëtare e përdorimit të forcës, ndërsa theksoi se nuk pajtohet me raste të veçanta kur efektivët kanë tejkaluar procedurat dhe standardet.
“Kam dëgjuar shumë aktorë që fajësojnë policinë se pse ka qenë ajo si iniciatore nga përdorimi i forcës, dhe mundohen të justifikojnë të gjitha këto djegie, plackitje, thyerje. Në gjykimin tim, policia ka ndjekur në vazhdimësi lëvizjen që filloi para katër muajve, dhe shërbimet e policisë për rendin, për sigurinë publike, kanë qenë në lartësinë e duhur. Nuk është policia që ka krijuar përplasjet. Janë të rinjtë që kanë vënë zjarrin, që kanë goditur me sende të forta, që kanë rrezikuar jetën e kalimtarëve dhe të punonjësve të policisë. Asnjëherë policia s’ka për qëllim të përdorë forcë, dhunë, sepse ajo ka dalë për të shërbyer, për të mbrojtur, për të garnatuar. Nuk pajtohem me raste të veçante ku punonjësit e policisë kanë kapërcyer procedurat, standardet, por të thuash për të përgjithshmen, durimi, gjakftohtësia dhe toleranca e policisë duhet të përgëzohet, të falenderohet”. (A2 Televizion)
A2 CNN Livestream
MUND TE LEXONI GJITHASHTU
