Erdogan në Tiranë dhe mosbindja civile, anulohet seanca e së enjtes në Parlament

Seanca e kësaj të enjteje në Kuvend është anuluar. Drejtor i komunikimit në PD, Alfred Lela, e konfirmoi live në Debat nga Alba Alishani se grupit parlamentar të Partisë demokratike i ka ardhur njoftimi për anulimin e seancës. Mësohet se seanca e kësaj të enjteje do të shtyhet për në datën 17 tetor.

Më pas, anulimi i seancës u konfirmua dhe me anë të njoftimit të Kuvendit për mediat. “Të nderuar kolegë, Ju njoftojmë se seanca plenare e Kuvendit të Shqipërisë, e planifikuar për ditën e enjte, datë 10 tetor, është anulluar dhe do të zhvillohet në datën 17 tetor, me rend dite të përbashkët, sipas kalendarit të punimeve të Kuvendit”.

Ditën e enjte, në Tiranë do të vijë Presidenti i Turqisë në një vizitë zyrtare, i cili do të takohet me Presidentin Begaj, kryeministrin Rama, ndërsa pasdite do të përurojë xhaminë e Namazgjasë.

Ndërkohë, prej javës së kaluar, opozita në vend ka nisur mosbindjen civile, e cila të hënën e kaluar nisi me djegien e karrigeve të Kuvendit, ndërsa kulmoi me protestën e së hënës.

  (A2 Televizion)