Olta Xhaçka mund të konsiderohet socialistja që është mbrojtur më shumë nga ana e kolegëve në Parlament përballë Gjykatës Kushtetuese. Pavarësisht se prej janarit të vitit 2023, legjitimitetin e mandatit të saj trupa kushtetuese kërkoi ta shqyrtojë në themel, maxhoranca për herë të dytë brenda dy viteve votoi kundër lënies së vlefshmërinë e mandatit të saj në dorë të gjykimit kushtetues.
Argumentet e përdorura nga socialistët nuk ngjasonin të reja, madje tingëllonin me ato të përdorura dy vite më parë kur u shqyrtua për herë të parë çështja e deputetes dhe ish-ministres Olta Xhaçk, bashkeshorte e investitorit strategjik Artan Gaçi.
“Si në rastin e Rakip Sulit, si në rastin e Valentina Leskajt gjykata ka thënë që nuk janë në kushtet e ndalimit të mandatit”, tha Bushka.
Mirëpo, ajo që bën diferencën nga e shkuara është fakti se dy ish-deputetët pranuan të shkonin vetë në Kushtetuese ndërsa Olta Xhaçka dukshëm në mbrotjen e saj publike në seancë ne të enjtes nuk pranoi një gjë të tillë.
“Kolegët janë të lirë të votojnë si të duan”, tha Xhaçka.
Shfajësimet publike të Xhaçkës u përballën me akuzat e Gazment Bardhit.
“Burri jot ka përfituar 11 mijë metra katrorë tokë publike”, tha ndër të tjera Bardhi.
Më shumë se sa debati politik, vendimmarrja e socialistëve ngre pikëpyetje për zbatimin e një vendimi të Gjykatës Kushtetuese e cila në rastin konkret, është shprehur se “Kuvendi duhet të kishte pranuar mocionin e kërkuesit dhe të dërgonte çështjen për shqyrtim në këtë Gjykatë, në mënyrë që aspektet e pretenduara si papajtueshmëritë mandatit të deputetes Olta Xhaçka t’i nënshtroheshin vlerësimit kushtetues”.
Pas kësaj vendimmarrje, rruga institucionale e opozitës është ankimi sërish në trupën kushtetuese ku saga e legjitimitetit të mandati të Olta Xhaçkës do të vijojnë gjatë, por një parashikim deputetes socialiste duket se ia bëri Monika Kryemadhi.
“Karma is a bitch, çfarë do të mbjellësh do të korrësh”, tha Kryemadhi. (A2 Televizion)
A2 CNN Livestream
MUND TE LEXONI GJITHASHTU
