Deputeti i zgjedhur i Partisë Demokratike, Genc Strazimiri, ka bërë një krahasim mes Kuvendit të dikurshëm dhe atij të sotëm, gjatë një interviste në emisionin “Çdo Kënd” me gazetaren Merita Haklaj në A2 CNN.
Ai kujtoi periudhën nga viti 1991 deri në 2013 si një epokë të debatit të ashpër, por me nivel të lartë intelektual.
“Në atë parlament ka kërcitur edhe arma – Azem Hajdarin gati e vranë brenda sallës në vitin 1997 – por kishe kënaqësi t’i dëgjoje”, tha Strazimiri, duke përmendur përballje mes figurave të njohura si Sali Berisha, Namik Dokle, Pjetër Arbnori dhe Gramoz Ruçi.
Sipas tij, ndonëse përplasjet ishin të forta, ato mbeteshin brenda kufijve të dinjitetit parlamentar. “Kurrë nuk ka ndodhur të kapen me duar, kurrë nuk ka ndodhur të përdorin fjalë jashtë fjalorit,” deklaroi ai.
Strazimiri nënvizoi se edhe pse qëndrimet ishin të kundërta, debatet mes personaliteteve të formuara politikisht dhe intelektualisht kishin vlerë për publikun. (A2 Televizion)
A2 CNN Livestream
MUND TE LEXONI GJITHASHTU
