Kolegji Zgjedhor ka rrëzuar ankimin e Partisë Demokratike për qarkun e Lezhës dhe të Gjirokastrës. Kërkesa e PD-ASHM për pavlefshmëri zgjedhore nuk u pranua nga gjyqtarët duke lënë në fuqi rezultatin për këto zona zgjedhore.
Demokratët paraqitën kërkesën duke e argumentuar me pretendimet se ka pasur tentativa për manipulim votash, përfshirë dhe ato të Diasporës në këto dy qarqe.
Në zgjedhjet e 11 majit PD e mposhti PS në Lezhë, duke siguruar 4 mandate përkundrejt 3 mandateve të mazhorancës. Ndërkohë që në Gjirokastër triumfuan socialistët, me demokratët që nxorën deputet vetëm Tritan Shehun nga lista e mbyllur.
Kujtojmë se Kolegji Zgjedhor është hallka e fundit ku mund të ankimohet rezultati. Kjo bën që zyrtarisht me vendimin e sotëm të certifikohet rezultati që prodhoi procesi zgjedhor i 11 majit për qarqet Lezhë dhe Gjirokastër. (A2 Televizion)
A2 CNN Livestream
MUND TE LEXONI GJITHASHTU
