Florian Binaj, i cili shprehu ambicien për të qenë kryetar bashkie dhe mori mbështetjen e Partisë Demokratike, duket se po pëlqehet edhe nga forcat aleate.
Pasi Sali Berisha deklaroi se Binaj do të jetë kandidati që do të mbështetet prej tyre, edhe aleatët e demokratëve po tregojnë se aktori i njohur i pëlqehet edhe prej tyre.
Kreu i PAA, Agron Duka në një postim në mediat sociale shkruan se vlerësojnë kandidaturën e Binajt.
“PAA e sheh pjesëmarrjen e tij si një alternativë ndryshe, që sjell frymë bashkëpunimi dhe përfaqësim dinjitoz të qytetarëve. Ne besojmë se bashkimi i forcave opozitare rreth figurave me integritet dhe përgjegjësi është rruga e duhur për të rikthyer besimin e qytetarëve në politikë dhe administrim lokal”, shkruan Duka.
Edhe Partia e Lirisë konfirmon për A2 se mbështet kandidaturën e Florian Binaj ne garën për zgjedhjet e kreut të ri të Bashkisë Tiranë.
Më herët edhe kreu i Shqipëria Bëhet, Adriatik Lapaj ka shprehur mbështetjen për Binajn. Parti të tjera aleatë të PD dhe Mundësia ende nuk kanë mbajtur qëndrim për këtë kandidaturë. (A2 Televizion)
A2 CNN Livestream
MUND TE LEXONI GJITHASHTU
