Monika Kryemadhi, duke folur për mediat pas shtyrjes së seancës së sotme, tha se tashmë janë të ditura emrat e kompanisë dhe personave në lidhje me pagesat për lobimin në SHBA.
Sipas saj, gjithçka është stisur nga ish-ambasadorja amerikane në Shqipëri, Yuri Kim.
“Një gjë të mirë kishte sot seanca, sepse sot kemi kompanitë apo personat që kanë paguar fatura në emër të të ashtuquajturës LSI. Del në pah “grushti i shtetit” apo “puçi” ndaj familjes sime apo rrethit shoqëror”, deklaroi Kryemadhi, shkruan A2.
“Një kompani amerikane ka paguar për lobim në SHBA. Që nga ky moment, akuzat për lobimin nuk bëjnë gjë tjetër veçse ngarkojnë me faj kompaninë GSIS, që ka pranuar që në llogarinë e një kompanie lobimi të paguhen para në emër të një partie shqiptare. Tani do nisë të zbardhet skema e gjuetisë së shtrigave të Yuri Kim, që për fat të keq nuk e zgjidh dot me një bursë në Angli për xhelatin e saj që ka në SPAK”, tha ajo. (A2 Televizion)
A2 CNN Livestream
MUND TE LEXONI GJITHASHTU
