Një polici në grahmat e fundit të një regjimi, e ka cilësuar Florian Haçkaj nga Lëvizja “Diaspora për Shqipërinë e Lirë”, menaxhimin e protestës nga ana e uniformave blu. Në Off the Record me Anrea Dangllin në A2 CNN ai ngritit pretendimin se efektivët kanë mbuluar kamerat e sigurisë gjatë arrestimit të qytetarëve.
“Unë banoj tek rruga e Kavajës fiks mbi Ministrinë e Arsimit. Sot bashkëshortja ime më nisi një video ku policët mbuluan kamerën e sigurisë, morën njerëzit që i arrestonin fus aty brenda. Po çfarë arsye ka policia e shtetit të mbulojë kamerat e sigurisë? Nëse ka kamera që nesër nëse dhunohet dikush mos ketë mundësi të dali ajo video”, tha Florian Haçkaj në Off the Record me Anrea Dangllin në A2 CNN.
Haçkaj e cilësoi të pazakontë ndryshimin e sjelljes së policisë brenda 24 orëve, nga përdorimi i forcës te një prani më pasive në terren.
“Është po kjo polici që me atë dhunë jo proporcionale që po flasim gjithë kohës i ka munduar t'i shpërndajë, t'i dhunojë gjithë kohës. Ose është dorëhequr Rama dhe s'e kemi marrë vesh, ose me të vërtetë e kuptojnë që është një polici si në ‘92-shin ku nuk mund t'i dalësh revoltës qytetare përballë me dhunë dhe kanë zgjedhur një tërheqje, por kjo është më të vërtetë shumë interesante që po ndodh”.
Ai kërkoi që efektivët të distancohen nga çdo veprim i paligjshëm dhe të qëndrojnë në mbrojtje të qytetarëve.
“Ajo polici që është e ndershme dhe nuk përfaqëson këtë krimin që e ka kapur këtë shtet që ne po e shohim në çdo cep ajo polici duhet të distancohet duhet të dali krah qytetarëve sepse qytetarët ata të rinj atje janë fëmijët e tyre mund të ishin fëmijët e tyre pati dhe një rast konkreti që ishte fëmijë polici”, tha ai në Off the Record me Andrea Dangllin në A2 CNN.
Haçkaj bëri thirrje për përmbajtje dhe kërkoi dorëheqjen e kryeministrit Edi Rama dhe krijimin e një qeverie tranzitore, pasi sipas tij situata po del jashtë kontrollit.
“Situatë më e pazakontë sepse asnjë nuk është për këtë shkatërrim. Por ka disa gjëra nëse mundohem të mendojmë kthjellët. Po është strategji e Ramës për të bërë një gjendje e jashtëzakonshme, sepse e sheh që situata po del jashtë kontrollit. Sot kemi parë makinat e ushtrisë aty. Kjo është pasojë e mosdëgjimit të qytetarëve që të shkojë deri në këtë revoltë kaq të fortë në gjithë këto vite. Unë do bëja thirrje për përmbajtje dhe është pikërisht momenti. Unë gjykoj që është momenti kyç për një qeveri tranzitore. Nuk ka mundësi për tallje. Asnjë nga ne nuk gëzohet kur i sheh polici që dënohen. As kur dënohen qytetarët as kur prishet e mira publike. Kjo situatë po del jashtë kontrollit dhe duhet urgjentisht dorëheqja e Ramës në një qeveri tranzitore”.
(A2 Televizion)
A2 CNN Livestream
MUND TE LEXONI GJITHASHTU
