Teksa gazetarët zhvillonin një protestë në hyrje të Kuvendit të Shqipërisë, kreu i Grupit Parlamentar të PD-së, Gazment Bardhi ka dënuar sulmet ndaj medias.
Gazment Bardhi u shpreh se mediat herë pas here kanë rënë pre e autoritarizmit të kryeministrit Edi Rama, ndërsa theksoi se janë raste që turpërojnë jo vetëm ata që i kanë kryer, por gjithë politikën.
Bardhi theksoi se media dhe gazetarët kanë mbështetjen e Grupit të PD-së për të bërë punën e tyre në mënyrë të pavarur.
“I kemi dënuar dhe i dënojmë sulmet ndaj medias. Liria e shtypit është një nga shtyllat e demokracisë, ju si gazetarë terreni keni vështirësitë tuaja, ashtu si media në tërësi. Herë pas here ka rënë pre e autoritarizmit të qeverisë Rama. Uroj që të bëhet më e mira për gazetarët dhe median në tërësi. Janë raste që turpërojnë jo vetëm ata që i kanë kryer, por gjithë politikën dhe të gjitha ata që do të duhet të ndërmarrin akte në mbështetje të lirisë së medias. Keni mbështetjen e grupit parlamentar të PD-së, për të bërë punën tuaj në mënyrë të pavarur”, u shpreh Gazment Bardhi. (A2 Televizion)
A2 CNN Livestream
MUND TE LEXONI GJITHASHTU
