Kryeministri Rama, me anë të një postimi në rrjetet sociale, ka uruar komunitetin hebre për Vitin e Ri të tyre.
Rama uron që “paqja dhe qytetaria mbizotërofshin mbi terrorin dhe egërsinë”, shkruan A2 CNN.
“Duke i uruar komunitetit tonë hebre dhe të gjithë atyre që festojnë Rosh Hashanah një Vit të Ri të qetë dhe të ëmbël. Qoftë ky vit i ri, viti i kthimit të gjithë pengjeve te të dashurit e tyre.
Paqja dhe qytetaria mbizotërofshin mbi terrorin dhe egërsinë”, shkruan Rama.
Ky urim i kryeministrit vjen vetëm një ditë pas sulmeve iraniane me raketa ndaj Izraelit, të cilët u dënuan me forca nga Shqipëria. “Shqipëria dënon ashpër sulmet e Iranit ndaj Izraelit dhe civilëve të tij. Kjo paraqet një përshkallëzim të konsiderueshëm, duke rritur kërcënimin ndaj sigurisë rajonale.
Shqipëria solidarizohet me popullin e Izraelit dhe të drejtën e tij për të jetuar në siguri. Ne ripërsërisim thirrjen tonë për de-përshkallëzimin e menjëhershëm”, thuhet në reagimin e Ministrisë së Jashtme. (A2 Televizion)
A2 CNN Livestream
MUND TE LEXONI GJITHASHTU
