Kryetari i Partisë Demokratike, Sali Berisha, tha se kandidatët e Partisë Socialiste nuk kanë pranuar të dalin në debate për shkak se kështu i ka urdhëruar kryeministri Rama.
“Mosballafaqimi në studio ka qenë urdhri i Edi Ramës. Ne ishim dhe jemi të gatshëm në çdo kohë. E përsëris, ka kohë deri pasnesër, por nuk ia mban”, tha Berisha në Debat nga Alba Alishani në A2 CNN.
Të shtunën e kaluar, në një intervistë ekskluzive në “Off the Record” me Andrea Dangllin, në A2 CNN, kryeministri Edi Rama tregoi se ka refuzuar të debatojë me Berishën. “Nuk i përmbush kushtet për të pasur fatin e një debati me mua, një individ katran me bojë, i cili nuk ka lënë të vdekur e të gjallë të shtëpisë sime, pa pështyrë e pa shkelur me këmbë”.
E njëjta pyetje iu bë shefit të qeverisë edhe për 10 kandidatët e tjerë në garën për kryeministër, disa prej të cilëve, si për shembull Adriatik Lapaj e Lulzim Basha e kanë ftuar në debat. “Nuk i njoh si kundërshtarë në kuptimin... Ata tani janë por, me Lulin unë më shumë se sa të komunikoj me video “selfie”, nuk besoj se mund të bëj”, u përgjigj ai. (A2 Televizion)
A2 CNN Livestream
MUND TE LEXONI GJITHASHTU
