Një ndër segmentet rrugore më të harruara në Bashkinë e Mallakastrës vijon të mbetet në gjendje të rënduar infrastrukturore duke izoluar banorët e fshatit Selitë. Bëhet fjalë për dy akset që të lidhin me fshatin piktoresk, Fratar - Selitë, 14 kilometër dhe Gjerbës- Selitë rreth 5 kilometra.
Banorët thonë se kjo rrugë nuk njeh investim prej dekadash, duke u kthyer në pengesën më madhore të përditshmërisë së tyre .
Banorët thonë se prej vitesh presin asfaltim ndërsa largohen çdo ditë për shkak të mungesës së infrastrukturës, shkollës dhe shërbimeve shëndetësore të cilat i sigurojnë në fshatrat përreth ose në Ballsh duke faturuar automjete me çmim të papërballueshëm.
Në fshat nga 60 familje që numëroheshin vite më parë, sot kanë mbetur vetëm 20- të, të cilat ndihen të braktisura e në mëshirë të fatit.
Ndërkohë sipas kryebashkiakut Qerim Ismailaj, rikonstruksioni i këtij aksi është planifikuar në projektbuxhetin e 2026-ës , dhe pas përfundimit të procedurave, brenda muajit tetor pritet të fillojnë punimet. (A2 Televizion)
A2 CNN Livestream
MUND TE LEXONI GJITHASHTU
