Përdorimi i pakontrolluar i inteligjencës artificiale po shfaq rreziqe serioze për shëndetin dhe mirëqenien e qytetarëve. Gjithnjë e më shumë persona, të shtyrë nga kureshtja apo nga hezitimi për t’u drejtuar tek profesionistët e shëndetit, po kërkojnë këshilla për gjendjen e tyre mjekësore nga platformat e inteligjencës artificiale. Por, kjo qasje mund të çojë në keqinterpretime, vonesa në diagnozë dhe vendime të gabuara për trajtim.
I ftuar në rubrikën “Impakt Shëndet”, pjesë e emisionit Diagnozë nga autorja dhe moderatorja Freskida Miloti, gazetari i teknologjisë dhe themeluesi i GEEK Room, Brenton Bënja, tregoi se shumë të rinj, por jo vetëm po marrin udhëzime mjekësore nga inteligjenca artificiale, duke rrezikuar të keqinformohen dhe të shmangin vizitën tek mjeku.
Sipas tij, inteligjenca artificiale mund të jetë një mjet informues, por nuk mund të zëvendësojë diagnozën dhe trajtimin e specializuar. Ndaj qytetarët duhet të jenë të kujdesshëm dhe të mbështeten te profesionistët për çdo shqetësim shëndetësor.
"Shumë mjekë gjatë këtyre ditëve kanë reaguar që pacientët i kanë marrë recetat e gatshme nga AI dhe ky është një problem në fakt. Në GEEK Room bëra disa ditë më parë një pyetësor; pyetja e parë ishte nëse e përdorni apo jo inteligjencën artificiale për këshilla mjekësore. 62-63% thonin po, e përdornin për probleme që kishin me dermatologjinë. Nëse unë hap ChatGPT-në e mamit tim që ka në telefon, aty ka pyetje për çfarë ushqimi duhet të marrë që të ketë kujdes kolesterolin.
ChatGPT dhe Gemini duhet të dimë kur t’i përdorim; pra për këshilla të tilla është jashtëzakonisht shumë e saktë. Tani njerëzit po përdorin inteligjencën artificiale për të lexuar analizat, gjë që është jashtëzakonisht shumë e gabuar. Inteligjenca artificiale sot është jashtëzakonisht shumë më e kujdesshme sesa ç’ishte një vit më parë për të dhënë këshilla të një rëndësie më të madhe”, tha gazetari Brenton Bënja.
Inteligjenca artificiale sipas gazetarit nuk do t'i thotë kurrë jo dhënies së informacionit, qofshin ato mjekësore. Ajo që teknologjia mund të vetë korrigjohet është citimi i informacioneve të marra, referenca për të shkuar te mjeku specialist dhe mos dhënia e një Diagnozë apo kure mjekimi. Inteligjenca artificiale mund të përdoret për dhënien e këshillave për stilin e jetesës por edhe në këtë pikë, një dietolog, nutricionist apo trajnues palestre është gjithmonë e më i besueshëm. Ndaj përdorimi i inteligjencës artificiale duhet të kufizohet nga përdoruesit për të mos besuar verbërisht në informacione teksa konsulta me një specialist është më e sigurta për ju. (A2 Televizion)
A2 CNN Livestream
MUND TE LEXONI GJITHASHTU
