Emisioni “SEPSE” nga Arestina Skënderi në A2 CNN tregon tmerrin që po përjetojnë fëmijët në Tiranë, ku zhurmat e trafikut, borive të makinave dhe fishekzjarrëve po i ekspozojnë ata çdo ditë ndaj niveleve të rrezikshme akustike.
Ky ekspozim i vazhdueshëm mund të shkaktojë vonesa në të folur, humbje dëgjimi, por edhe agresivitet dhe probleme emocionale tek të vegjëlit.
Eksperti i mjedisit, Endi Biba, kryen matje live të zhurmës në zonën e Pazarit të Ri, tregon se niveli i zhurmës në këtë pjesë të qytetit është tepër i lartë, duke e bërë ambientin shumë të dëmshëm për fëmijët dhe të rriturit.
Matjet tregojnë se niveli i zhurmës tejkalon shpesh kufijtë e sigurt akustik, duke krijuar një presion të vazhdueshëm mbi sistemin nervor dhe të dëgjimit.
Pazar i Ri, një nga zonat më të ndotura nga zhurma, përbën një shembull tipik të ndikimit të trafikut të rënduar në jetën e përditshme. Çdo kalim i transportit urban, makina e motora, shton ndotjen akustike dhe rrit ekspozimin e banorëve ndaj zhurmave të dëmshme.
“Kryesisht, zonat më të zhurmshme janë ato që janë afër qendrës së qytetit. Atje ndjeshmëria ndaj niveleve të larta të ndotjes akustike është më e madhe. Trafiku është ndotësi kryesor.
Për shembull, një familje me 4 persona që ka 2 makina ka një mesatare zhurme prej rreth 50 decibel, që nuk e dëmton dëgjimin në mënyrë të menjëhershme. Por në zona më të ngarkuara, zhurma mund të arrijë deri në 86 decibel.
Matjet e bëra tregojnë se niveli i zhurmës pas kalimit të transportit urban mund të shkojë deri në 74 decibel. Kjo ndodh sepse automjetet shkaktojnë ndotje akustike të lartë dhe rrisin ekspozimin e qytetarëve ndaj zhurmave të rrezikshme.
Pazari i Ri është një nga vendet më të ndotura nga zhurma”, pohon Endi për ‘SEPSE’. (A2 Televizion)
A2 CNN Livestream
MUND TE LEXONI GJITHASHTU
