Komisioni i Venecias ka zbardhur sot arsyetimin e opinionit final të saj mbi kërkesës se Kuvendit shqiptar mbi zgjatjen e afateve të organeve të vetingut.
Në opinionin paraprak të mbërritur në Tiranë më 1 dhjetor, ekspertët ndërkombëtarë ishin të mendimit se propozimi për ndryshimin e kushtetutës, plotëson kriteret që do të justifikonin zgjatjen me dy vite e gjysmë të mandatit të Komisionit të Pavarur të Kualifikimit dhe Komisionerit Publik.
Sipas Komisionit, “zgjatja e afateve për organet e Vettingut justifikohet vetëm në rastet e arsyeje subjektive, të bazës ligjore dhe me një shumicë të cilësuar në Kuvend”, dhe rasti i Komisionit të Pavarur të Kualifikimit dhe Komisionerit Publik i arrin këto kritere.
Sipas Venecias, zgjatja e mandatit “ do të garantonte barazi ligjore dhe do të kontribuonte në ligj sigurinë, ndërkohë që rezultatet e punës së deritanishme të kryer nga organet e vettingut tregojnë se duhet të finalizohet procesi për të vlerësuarit e mbetur. Më tej, do të bëhej zgjatja nëpërmjet një amendamenti kushtetues, i cili kërkon një shumicë prej dy të tretave, pra një të gjerë mbështetje përtej shumicës parlamentare në pushtet”.
Komisioni vlerëson si thelbësore që zgjerimi të shoqërohet me një rritje të resurseve të organeve të Vettingut, si dhe “racionalizimi i procedurave të tyre”. (A2 Televizion)
A2 CNN Livestream
MUND TE LEXONI GJITHASHTU
