Reshjet e ditëve të fundit të shiut dhe dëborës kanë përmirësuar situatën hidrike pranë ujëmbledhësve në hidrocentralet në veri të vendit.
Krahasuar me fundin e shtatorit, prurjet në kaskadën e Drinit ku operojnë tre hidrocentralet e Komanit, Fierzës dhe Vaut të Dejës, thuajse janë dhjetëfishuar.
Aktualisht, prurjet hidrike në këtë kaskadë janë në nivelin e 1220 metër kub në sekondë. Kjo ka lejuar që hidrocentralet e Komanit dhe Vaut të Dejës të punojnë me kapacitet të plotë duke prodhuar mbi 10 mijë megavat për orë energji, ndërsa hidrocentrali i Fierzës, aktualisht nuk po prodhon energji, me qëllim krijimin e rezervave hidrike.
Drejtues të Koorporatës Elektroenergjetike shprehen se situata hidrike monitorohet çdo ditë në krahasim me prurjet, në mënyrë që të koordinohet ritmi i punës së hidrocentraleve me nivelin e baseneve, për të siguruar nivelin maksimal të prodhimit të energjisë, duke ruajtur njëkohësisht edhe rezervat ujore.
Ndërsa në javët në vazhdim nuk parashikohen shtime të ndjeshme të prurjeve në kaskadën e Drinit dhe për këtë arsye, hidrocentrali i Fierzës nuk po prodhon energji, në mënyrë që të lejojë punën me kapacitet të plotë në dy hidrocentralet e tjerë, atë të Komanit dhe Vaut të Dejës. (A2 Televizion)
A2 CNN Livestream
MUND TE LEXONI GJITHASHTU
