Kreu i Partisë Demokratike Lulzim Basha ka reaguar edhe njëherë për situatën nga koronavirusi në botë dhe masat e marra nga qeveria për të përballuar përhapjen e këtij virusi.
Sipas kryedemokratit, gjendja nuk është siç e paraqet qeveria dhe i bëri thirrje asaj që të përgatitet seriozisht për përballimin e një situate të mundshme.
“PD po ndjek seriozisht dhe me përgjegjësi situatën për marrjen e masave kundër përhapjes së koronavirusit në vend. Grupe pune po kryejnë verifikime pranë qendrave shëndetësore, spitaleve dhe vendkalimeve kufitare, dhe gjendja nuk është siç e paraqet propaganda e qeverisë. Në pjesën më të madhe të qendrave mungojnë pajisjet mbrojtëse dhe spitalore. Duhet urgjent heqje dorë nga propaganda dhe përgatitje serioze për përballimin e situatës së mundshme të koronavirusit që tashmë është i pranishëm në pothuajse të gjitha vendet fqinje me Shqipërinë”, deklaron Basha. (A2 Televizion)
A2 CNN Livestream
MUND TE LEXONI GJITHASHTU
