Për situatën e krijuar në vend nga moti ka reaguar edhe ministri i Mbrojtjes Niko Peleshi. Në një postim në rrjetet sociale, Peleshi thotë se ka nisur puna për zhbllokimin e aksit Bogë-Theth në Shkodër nga efektivët e Komandës Mbështetëse në bashkëpunim me ARRSH. Ndërsa trupat e batalionit të Vaut të Dejës janë në terren dhe po ndihmojnë banorët e Obotit, ndërsa në Shkodër ka qetësim të situatës.
“Në Shkodër, kemi qetësim të situatës dhe rënie të nivelit të ujit, megjithatë trupat e batalionit të Vaut të Dejës janë në terren dhe po ndihmojnë banorët e Obotit.
Vjosa gjithashtu po normalizohet pasi kemi rënie të ndjeshme në Përmet dhe Memaliaj.
Si rrallëherë ka nisur puna që në janar për zhbllokimin e aksit Bogë-Theth në Shkodër. Po e hapin efektivët e Komandës Mbështetëse në bashkëpunim me ARRSH, të cilët janë maksimalisht të përkushtuar për t'i ardhur në ndihmë qytetarëve”, shkruan Peleshi teksa thekson gatishmërinë e Forcave të Armatosura. (A2 Televizion)
A2 CNN Livestream
MUND TE LEXONI GJITHASHTU
