AZ Alkmaar arriti një fitore të pastër 3-0 ndaj Dritës në transfertwn e tyre të parë historik në Kosovë, duke hedhur një hap të madh drejt fazës së eliminimit në UEFA Europa Conference League. Holandezët dominuan që në minutat e para, ndërsa Drita, që kërkonte një fitore për të siguruar një vend mes 24 skuadrave më të mira, u duk e pafuqishme përballë ritmit të lartë të miqve.
Goli i parë erdhi pas 17 minutash lojë, kur Kees Smit asistoi për Isak Jensen, i cili shërbeu topin te Sven Mijnans për një finalizim të thjeshtë. Drita pati pretendime për penallti pas një prekjeje me dorë në kufi të zonës, por gjyqtari lejoi lojën të vazhdonte. AZ vazhdoi dominimin, me Weslley Patati që krijoi disa rrezikshmëri, por pa ndryshuar rezultatin deri në pushim.
Në pjesën e dytë, Jensen dyfishoi shifrat me një goditje të fortë nga distanca, duke shfrytëzuar hapësirën e mbetur nga mbrojtja vendëse. Situata u përkeqësua për Dritën pas një faulli të panevojshëm nga Mamadou Soumahoro, i cili u ndëshkua me karton të verdhë dhe do të mungojë ndaj Rayo Vallecanos.
Në minutën e 90-të, Ibrahim Sadiq vulosi fitoren 3-0 pas një krosimi perfekt nga Mees de Wit. Me këtë humbje, shanset e Dritës për kualifikim u zbehën ndjeshëm. (A2 Televizion)
A2 CNN Livestream
MUND TE LEXONI GJITHASHTU
