
Teuta dhe Tirana barazuan 1-1 në Durrës, në një sfidë që pati një protestë të pazakontë nga ana e bardhebluve.
Kryeqytetasit shënuan me Ndong që në fillimin e ndeshjes, por u barazuan më pas nga një penallti e diskutueshme për Teutën. Për akordimin e këtij 11-metërshi, në shenjë proteste lojtarët e Tiranës vonuan kthimin në fushën e lojës për pjesën e dytë, shkruan A2.
Teuta shpërdoroi disa mundësi të mira në 45 minutat e dyta, madje goditi edhe shtyllën në minutat shtesë.
Ky barazim u shërben më shumë për moralin bardhebluve, pasi nuk ndryshon gjë për renditjen, ku Tirana mbetet e "gozhduar" në vendin e fundit. (A2 Televizion)