Barcelona, me humbjen 3-0 ndaj Chelsea, i dha fund një serie të jashtëzakonshme prej 53 ndeshjesh radhazi ku kishte shënuar të paktën një gol.
Herën e fundit që ekipi i drejtuar nga Hansi Flick kishte mbetur pa gol ishte më 15 dhjetor 2024, kur humbën 0-1 në shtëpi ndaj Leganes, në javën e 17 të La Liga, shkruan A2.
Barcelona luajti në "Stamford Bridge" pothuajse 55 minuta me dhjetë lojtarë, pasi Ronald Araujo u ndëshkua me karton të kuq.
Nga 53 ndeshjet e tyre radhazi me gola, 33 kanë qenë në kampionat.
Seria e tyre në Spanjë mbetet e paprekur dhe qëllimi është të tejkalojnë rekordin prej 37 ndeshjesh radhazi me të paktën një gol të shënuar, të vendosur nga Barcelona e Ernesto Valverdes në vitin 2019.
(A2 Televizion)
A2 CNN Livestream
MUND TE LEXONI GJITHASHTU
