Egnatia nuk i ndahet Vllaznisë

Egnatia ka mposhtur Teutën 4-2 dhe ka mbyllur me fitore fazën e tretë të Kategorisë Superiore.

Kampionët në fuqi pësuan golin e pare nga Zhongo, ndërsa baraspesha u vendos nga Albanese, i cili tundi rrjetën e Selmanit pas një gabimi të këtij të fundit.

Në minutat shtesë të pjesës së parë, Adjesa përmbysi gjithçka për rrogozhinasit.

Në fillimin e pjesës së dytë, Maçolli riktheu baraspeshën nga penalltia. Por, vendasit nuk u dorëzuan dhe tundën rrjetën me Buriç. Më pas miqtë u shtangën kur Kotobelli u ndëshkua me karton të kuq pasi nervat e tradhëtuan dhe gjithçka u vulos me penalltinë e Fernandos në të 93-ën.

Me këtë fitore, Egnatia shkon në kuotën e 49 pikëve, 2 më pak se Vllaznia kryesuese.

  (A2 Televizion)