Një mbrëmje plot emocione në UEFA Champions League solli fitore të ngushta, barazime dramatike dhe gola spektakolarë.
Në “San Siro”, Inter vuajti më shumë se pritej për të mposhtur Kairat Almaty me rezultatin 2-1. Lautaro Martínez zhbllokoi sfidën në fund të pjesës së parë, por kazakët barazuan pas pushimit me golin e Arad. Megjithatë, Carlos Augusto riktheu qetësinë për zikaltërit, duke i dhënë Interit një fitore që e mban mes tre ekipeve me 100% fitore në këtë fazën.
Ndërkohë, Barcelona shmangu një disfatë të turpshme në Belgjikë, duke barazuar 3-3 ndaj Club Brugge në një ndeshje me shumë emocione. Brugge kaloi tri herë në epërsi me golat e Forbs dhe Tresoldit, ndërsa katalanasit reaguan me Torres dhe Lamine Yamal. Autogoli i Tzolis në minutat e fundit i shpëtoi Barcelonës, ndërsa një gol i anuluar nga VAR i mohoi vendasve një fitore historike, shkruan A2 CNN.
Në “Etihad”, Manchester City tregoi forcën e tij me një fitore bindëse 4-1 ndaj Borussia Dortmund. Phil Foden shkëlqeu me dy gola, Haaland shënoi një tjetër ndaj ish-skuadrës së tij, dhe Rayan Cherki vulosi rezultatin në fund. Edhe pse Dortmund shënoi me Anton, dominimi i City-t ishte i total, duke zgjatur serinë e tyre pa humbje ndaj ekipeve gjermane në nëntë ndeshje dhe 23 ndeshje pa humbje në shtëpi në Champions. (A2 Televizion)
A2 CNN Livestream
MUND TE LEXONI GJITHASHTU
