Portieri i dytë i Interit, Josep Martinez, do të mungojë për të paktën disa ndeshje pasi aksidentoi një burrë 81-vjeçar me makinën e tij, i cili vdiq menjëherë.
Spanjolli do të kthehet në stërvitje javën tjetër dhe aktualisht është ende në gjendje shoku. Martinez do të humbasë ndeshjet me Fiorentinën, Veronën dhe ndoshta ndeshjen e Ligës së Kampionëve kundër Kairat Almaty.
Klubi i ka siguruar një psikolog për ta ndihmuar, por ndërkohë Interi duhet të jetë gati. Pas Sommer do të jetë 20-vjeçari Alessandro Calligaris portieri i dytë, i cili u bashkua disa javë më parë për shkak të dëmtimit të portierit të tretë Raffaele Di Gennaro.
Ndërsa portier i tretë do të jetë shqiptari 18-vjeçar Alain Taho. Ai është një lojtar i rregullt për ekipin Primavera të Benito Carbones. Këtë vit, Taho ka bërë pesë paraqitje në kampionat, tre në Youth League dhe një në Superkupë kundër Cagliarit, ku ai priti penalltinë vendimtare: Interi fitoi trofeun edhe falë tij.
I lindur në vitin 2007, Alain Taho lindi një ditë pasi Interi fitoi 3-1 Empolin me gola nga Stankoviç, Recoba dhe Cruz. Ishte 29 prill. I rritur në Milano nga prindër shqiptarë, ai filloi të bënte pritje në Qendrën Schuster, shumë pranë Parco Lambro, përpara se Interi ta nënshkruante.
Vitin e kaluar, Inzaghi e solli në stol kundër Genoas dhe në Kupën e Italisë kundër Lazios. Në tetor, ai debutoi për ekipin U21 vjeç të Shqipërisë, duke luajtur 25 minuta kundër San Marinos.
Gianluca Spinelli, trajneri i portierëve të Nerazzurrëve, do ta ndihmojë atë të zhvillohet. (A2 Televizion)
A2 CNN Livestream
MUND TE LEXONI GJITHASHTU
