Interi këtë sezon në Serie A është një makineri thuajse perfekte pa kundërshtarë dhe forcën e zikaltërve e provuan mbrëmjen e së dielës edhe lacialët në stadiumin e tyre në Romë.
Skuadra e Inzaghit tregoi forcë dhe cinizëm edhe në këtë sfidë dy elementë e kanë karakterizuar këtë sezon. Goli i parë i sfidës u realizua nga Lautaro Martinez, i cili përfitoi nga një gabim i mbrojtësve të Lazios dhe pasi shmangu edhe portierin e dërgoi topin në rrjetë. Më pas gjithçka ishte më e lehtë dhe goli i dytë u realizua nga Thuram në pjesën e dytë.
Edhe këtë sfidë, Asllani e nisi nga stoli dhe Inzaghi vendosi ta aktivizonte vetëm në minutën e 88, duke zëvendësuar Calhanoglu. Ndërkohë, Elseid Hysaj qëndroi në stol gjatë gjithë ndeshjes duke mos u aktivizuar për asnjë minutë.
Me këtë fitore, Interi blindon vendin e parë me 41 pikë, 4 më shumë se Juventusi ndjekës, ndërsa Lazio ka zbritur në vendin e 11 me vetëm 21 pikë. (A2 Televizion)
A2 CNN Livestream
MUND TE LEXONI GJITHASHTU
