Pas fitores 2-1 të Real Madridit ndaj Interit, Jose Mourinho u ndal te paraqitja e skuadrës së tij, ndërsa Cristian Chivu doli në mbrojtje të lojës së zikaltërve.
Mourinho pranoi se Reali nuk e pati gjithmonë kontrollin e ndeshjes, por theksoi se në Champions League ajo që vlen mbi të gjitha është fitorja.
Një tjetër moment interesant ishte mbështetja për Vinicius, i cili u vërshëllye nga një pjesë e tifozëve në momentin e zëvendësimit. “The Special One” e mbrojti brazilianin, duke vlerësuar përkushtimin e tij në fushë, shkruan A2.
Në krahun tjetër, Chivu nuk e fshehu zhgënjimin. Trajneri i Interit e konsideroi të pamerituar rezultatin, duke vlerësuar faktin që skuadra e tij pati personalitet, mbajti topin dhe krijoi shumë raste në Bernabéu.
Chivu pranoi gabimet që sollën golat e Realit, por u shpreh i kënaqur me mënyrën se si reagoi skuadra.
“Nuk erdhëm këtu për të spekuluar, por për të bërë ndeshjen tonë”, ishte mesazhi i trajnerit zikaltër, i cili beson se Interi do të përmirësojë efikasitetin përpara portës.
Chivu u largua nga Madridi me bindjen se Interi tregoi se mund të përballet pa frikë edhe me një nga favoritët e Champions-it. (A2 Televizion)
A2 CNN Livestream
MUND TE LEXONI GJITHASHTU
