Në mbylljen e vitit 2024 Arsenali nuk gabon dhe merr vendin e dytë në Premier League. Topçinjtë e shfrytëzuan maksimalisht disfatën e Chelsea, duke fituar minimalisht në “Emirates Stadium” përballë Ipswich.
Ndeshja u vendos nga goli i Havertz në minutën e 23-të, që me portën e boshatisur nuk e kishte të vështirë të dërgonte në rrjetë krosin e Trossard.
Pas atij episodi, londinezët nuk arritën të shënonin golin e sigurisë, edhe për meritë të portierit të përfaqësueses së Kosovës, Muriç.
Pavarësisht rasteve të shpërdoruara përballë ekipit të rikthyer në elitë, Arsenali nuk e vuri asnjëherë në dyshim suksesin.
Me një goditje të vetme, skuadra e Arteta-s parakaloi Chelsea dhe Nottingham Forrest, duke u rikthyer në vendin e dytë të Premier League. Topçinjtë e shohin veten 6 pikë larg kryesuesve të Liverpool, që gjithsesi kanë një ndeshje për të rikuperuar.
Vetëm barazim pa gola në sfidën tjetër ndërmjet Brighton dhe Brentford. (A2 Televizion)
A2 CNN Livestream
MUND TE LEXONI GJITHASHTU
