Partizani regjistroi barazimin e katërt radhazi në kampionat, këtë herë duke u ndalur në shifrat 1-1 në “Niko Dovana” nga Teuta.
Durrsakët e Edi Martinit arritën të shënonin të parët, në minutën e 24, me anë të Ergys Peposhit, i cili me një diagonale të bukur nga brenda zone gjeti rrjetën dhe kaloi skuadrën e tij në avantazh.
Në pjesën e dytë, Partizani barazoi në minutën e 75, me Albers Kekon, autorin e golit edhe në derbi.
Teuta ishte më kërkuese në vijim, por nuk arriti dot që të realizonte golin e fitores. Ekipi bregdetar mbetet i fundit në renditje edhe pas kësaj sfide, në kuotën e 14 pikëve.
Ndërkohë, Partizani mbetet në vendin e dytë, 3 pikë pas Egnatias kryesuese.
(A2 Televizion)
A2 CNN Livestream
MUND TE LEXONI GJITHASHTU
