Një nga periudhat më të lavdishme të futbollit shqiptar dhe që çdo tifoz sot e kujton me shumë nostalgji është Flamurtari i viteve të arta.
Ekipi vlonjat që në vitin 1987 eliminoi Partizanin e Beogradit në garat e Kupës UEFA, ndërsa në 1/8 u përball me Barcelonën, ku sërish dhuruan një ndeshje spektakolare dhe shumë emocionuese. Një sfidë që është ngulitur në mendjen e çdo dashamirësi të futbollit dhe veçanërisht tek ata protagonistë që ishin në fushë.
Pas shumë vitesh, ata duan të rikthejnë dhe një herë këtë supersfidë në stadiumin e Flamurtarit. Emrat e mëdhenj të atyre viteve si Vasil Ruci, Petro Ruci, Rrapo Taho, Sokol Kushta e shumë të tjerë do të zbresin dhe një herë në fushë për të përjetuar sërish sadopak dhe një herë emocionet e asaj dite.
Çdo gjë është vendosur, ndërsa tani pritet të përcaktohen vetëm detajet finale.
“Është kënaqësi e madhe për ne që, pas shumë përpjekjesh, të kthenim Barcelonën në Vlorë. Do të jetë një event i shkëlqyer për të gjithë qytetin. Do të jenë ditë feste. Mbrëmja e ndeshjes do të përfundojë me një koncert fantastik”, tregon Vasil Ruci për “A2 Sport” nga Dea Kozma.
Sipas tij, pas ndeshjes në Vlorë, do të ketë edhe një ndeshje kthimi në Barcelonë.
Intervista e plotë (A2 Televizion)
A2 CNN Livestream
MUND TE LEXONI GJITHASHTU
