Një zjarr ka përfshirë një magazinë tek ish-NPA në Gjirokastër. Flakët kanë qenë agresive dhe forcat zjarrfikëse kanë ndërhyrë për vënien nën kontroll të tyre. Gjatë operacionit për fikjen e zjarrit është stakuar edhe energjia elektrike, duke lënë në terr një pjesë të konsiderueshme të qytetit. Falë ndërhyrjes, zjarri është vënë nën kontroll dhe, për fat të mirë, nuk raportohen dëme në njerëz.
Zjarri ra në magazinën që shërbente për aktivitetin e lyerjes së automjeteve, në rrugën pranë Fushës së Vjetër. Menjëherë shërbimi zjarrfikës ndërhyri për shuarjen e flakëve, që paraqesnin rrezik serioz për përhapjen drejt dy pallateve të banimit që ndodheshin në afërsi të saj.
Pas 1 ore e gjysme u bë i mundur izolimi i plotë i vatrës dhe neutralizimi i rrezikut të përhapjes së zjarrit. Pas një pune intensive, zjarri u shua plotësisht. Nga zjarri u dogj vetëm magazina, ndërsa ndërhyrja me kohë bëri të mundur mbrojtjen e dy pallateve të banimit, duke shmangur dëmtimin e banesave, automjeteve të parkuara në afërsi dhe çdo cenim të jetës apo shëndetit të qytetarëve.
Nuk raportohet për persona të lënduar apo dëme në banesat dhe automjetet përreth.
Ndërkohë, organet ligjzbatuese po vijojnë punën për dokumentimin e ngjarjes dhe përcaktimin e shkaqeve dhe rrethanave të rënies së zjarrit.
(A2 Televizion)
A2 CNN Livestream
MUND TE LEXONI GJITHASHTU
