Ish-kapiteni i Kombëtares, Rudi Vata, në një lidhje direkte me studion e emisionit “Ditari i Pasdites” nga Pandi Gjata në A2CNN, komentoi emërimin e Rolando Maran si trajner të ri të Shqipërisë.
Vata u shpreh skeptik për zgjedhjen e FSHF-së, duke theksuar faktin që kemi mbetur ende te shkolla e vjetër italiane, e cila po paraqet defekte në futbollin modern.
Po ashtu Vata tha se do kishte preferuar një trajner me kulturë strikte si Foden i Kosovës, apo një trajner shqiptar si “timonier” të kuqezinjve.
“Nuk është një surprizë e madhe, unë e kuptoj pak a shumë strategjinë e FSHF-së në 20-23 vitet e fundit. Mendoj që është fokusuar te një kulturë pune siç është shkolla italiane e futbollit, që në disa situata ka rezultuar pozitive, por në këtë moment që ne jetojmë, në futbollin modern, shkolla italiane e futbollit po paraqet shumë defekte, dhe sidomos shkolla e vjetër e futbollit, s’është ajo që i ka karakteristikat e duhura, për të ndihmuar mentalitetin e shkollës dhe kulturës sonë në futbollit, për të na dhënë një opsion, për t’u rritur. S’ka qenë ndonjë sforco e madhe për të rënë dakord me një trajner, si i sapo vendosur. Do kisha preferuar shumë të ndërronim kulturën e shkollës italiane. Për t’u fokusuar ndoshta si Kosova, te një kulturë strikte, e bazuar te disiplina dhe serioziteti, siç kanë bërë me Foden. Por në të njëjtën kohë do kisha preferuar të fokusoheshim te tregu i trajnerëve shqiptarë. Qoftë edhe trajneri i 21-vjeçarëve Alban Bushi, kur do jetë ai gati për t’u dhënë shansi, sepse kanë kaluar disa eliminatore, dhe ka mbetur tea to nivele”, tha Vata. (A2 Televizion)
A2 CNN Livestream
MUND TE LEXONI GJITHASHTU
